5 желтоқсан күні жастарды діни экстремизм мен терроризмнің алдын алудағы азаматтық ұстанымдарын күшейту, отансүйгіштікке және зайырлы құндылықтарға тәрбиелеу мақсатында «Алматы облысы Дін істері басқармасы» ММ, «Дін саласындағы мәселелерді зерттеу орталығы» КММ-нің Балқаш ауданы бойынша инспекторы Әбілхами Мейрам мен тарихшы, Phd докторанты Сейтқазиев Руслан Өмірғазыұлының қатысуымен «Жастар және дін» тақырыбында дөңгелек үстел Қазақстан Республикасының дін саласындағы мемлекеттік саясатының 2017-2020 жылдарға арналған тұжырымдамасының және діни экстремизм мен терроризмге қарсы іс-қимыл жөніндегі 2018-2022 жылдарға арналған мемлекеттік бағдарламасының, сонымен қатар жастар жылы аясында колледждің жастар ісі жөніндегі комитеттің ұйымдастыруымен өтті. «Дін саласындағы мәселелерді зерттеу орталығы» КММ-нің Балқаш ауданы бойынша инспекторы Әбілхами Мейрам қазіргі қоғамдағы жастардың рөлі: даму шарттары, қызығушылығы және әуестігі және «Деструктивті діни ағымдардың жастарға әсер ету қаупі» тақырыптарында сөз сөйлесе, ал тарихшы, Phd докторанты Сейтқазиев Руслан Өмірғазыұлы «Қазіргі жастардың рухани-адамгершілік және патриоттық тәрбиесі» тақырыбында жастар алдында сөз сөйледі. Шараға қатысқан жастар өз ойларымен бөлісіп, шараның маңызды және қажет екендігін айтып, ұйымдастырушыларға алғыстарын білдірді.
Бақанас аграрлы-индустриалдық колледжі 