Бақанас аграрлы-индустриалдық колледжінде кәмелетке толмаған студенттердің заңға мойын ұсынушылық мінез құлқын қалыптастыру, құқықтық сауаттылығын арттырып, зорлық-зомбылық, бопсалау, есірткі пайдаланумен құқық бұзушылықтың алдын алу мақсатында Балқаш АПБ-нің ЖПҚБ ЮПТ учаскелік полиция инспекторлары полиция аға лейтенанты О.Рысбек және капитан Н.Нұрланұлының қатысуымен «Жасөспірім және заң» тақырыбында кездесу өтті.
Кездесу барысында «Жасөспірімдер арасындағы құқықбұзушылық» тақырыбында бейнеролик көрсетіліп, Балқаш АПБ-нің ЖПҚБ ЮПТ учаскелік инспекторы О.Рысбек кәмелет жасқа толмаған студенттерге «Зорлық-зомбылық», «Бопсалау»,«Есірткісіз болашаққа» тақырыбында баяндама оқып, студенттердің сауалдарына жауап берді және студенттерге кәмелетке толмағандардың қылмыстық жауаптылығы туралы заңдарымен, ҚР Әкімшілік құқық бұзушылық туралы Кодексінің 127, 435, 442, 448 баптарымен таныстырды.
Бақанас аграрлы-индустриалдық колледжі 