“Оқуға құштар колледж”жобасын іске асыру аясында Бақанас аграрлы-индустриалдық колледжінде шет тілі пәнінің оқытушысы Қасабек Салтанаттың ұйымдастыруымен «Не? Қайда? Қашан?» атты әдеби ойын өткізілді. Ойынға 22 топ студенттері қатысты. Ойынның басында қатысушылар «Тапқырлар» және «Ұшқыр ойлы» деп 2 топқа бөлінді. Ойын үш бөлімнен тұрды: логикаға сұрақтар, логикалық міндеттер, мақалды жалғастыру. Команда мүшелері күрделі сұрақтар мен анықтамаларға жауап бере отырып, әдебиет саласындағы өз эрудициясын және тамаша білімін қазақ және ағылшын тілінде көрсетті. Ойын сыни ойлау мен қарым-қатынасты дамытуға ықпал етті, сондай-ақ классикалық шығармалар мен заманауи авторларға назар аударды. Достық бәсекеде қатысушылар тек сайысқа түсіп қана қоймай, жаңа білімдерімен, шығармалар туралы ой бөлісті. Мұндай шара әдебиетке деген сүйіспеншілікті арттырып қана қоймай, студенттер арасында командалық рухты нығайтады.
«Не? Қайда? Қашан?»
Бақанас аграрлы-индустриалдық колледжі 